Lailah alirudi chuo akiwa na jeuri ya pesa. Alilipa ada zote, akanunua gari dogo aina ya *IST*, na kumpangishia Tasha chumba cha kifahari nje ya chuo. Alikuwa akitembea kwa madau, akizitikisa chuhu zake ambazo sasa zilikuwa zimepambwa kwa sidiria za hariri kutoka maduka ya bei mbaya Masaki. Dr. Makata alipojaribu kumtishia tena darasani, Lailah alimcheka usoni na kumwambia, *"Mwalimu, nina pesa ya kukununua wewe na idara yako yote, kuanzia sasa niondolee hiyo 'F' au nitakufanya kitu mbaya."*

Lakini, katikati ya jeuri hiyo, mwili wake ulianza kumsaliti.

Siku moja asubuhi, akiwa anajipaka mafuta ya gharama, Lailah aliona madoa madogo meusi kwenye mapaja yake, sehemu ile ile ambayo Mzee wa Upako wa Pesa alimwagia ile *Champagne*. Alidhani ni uchovu, lakini kadiri siku zilivyopita, yale madoa yalianza kuwasha na kutoa harufu isiyo ya kawaida.

"Tasha, hebu angalia haya madoa. Yalianza tangu nitoke kwa yule mzee wa madini," Lailah alisema huku akivua nguo yake ya ndani kwa hofu.

Tasha alipokaribia, alishtuka na kuziba pua. "Lailah, hii siyo bure. Mzee wa Upako wa Pesa ana siri nyingi. Inasemekana utajiri wake ni wa 'masharti', na kila binti anayelala naye lazima aache 'kitu' kwake."

Lailah alihisi baridi ya ghafla. Alikumbuka jinsi mzee huyo alivyokuwa akimgeuza kwa kinyama, akisugua uume wake uliokuwa na baridi mithili ya mfu. Alijaribu kwenda hospitali kubwa ya mjini, lakini vipimo vyote vilionyesha hana ugonjwa wa zinaa (STI/STD). Hata hivyo, madoa yale yaliendelea kusambaa hadi kifuani.

Siku ya tatu, Lailah alijikuta akishindwa hata kuvaa sidiria. Chuhu zake, ambazo zilikuwa kivutio cha wanaume wote chuoni, sasa zilikuwa zimevimba na kuanza kutoa majimaji ya njano yenye harufu ya mzoga. Uzuri wake ulikuwa unafifia mbele ya kioo. Alianza kukosa vipindi darasani, safari hii si kwa sababu ya ulevi, bali kwa aibu ya harufu iliyokuwa ikitoka mwilini mwake.

Usiku mmoja, akiwa amelala peke yake, alimwona mama yake kwenye ndoto. Mama alikuwa amesimama kwenye lile shamba la kijijini, akimwonyesha udongo mwekundu uliokuwa na damu. *"Lailah, nilikuambia utakula kwa jasho, na mwili wako hautapata amani. Umeuza roho yako kwa mzee wa giza,"* sauti ya mama yake ilivuma mithili ya radi.

Lailah alizinduka huku akitokwa na jasho jingi. Alitazama mikono yake; ngozi ilikuwa inababuka kama ya nyoka. Alichukua kadi ya biashara ya Mzee wa Upako wa Pesa na kujaribu kupiga simu, lakini namba ilikuwa haipatikani.

Alijikokota hadi bafuni, akavua nguo zote na kuanza kujimwagia maji ya baridi huku akilia. Alihisi maumivu makali katikati ya miguu yake, kama kuna kitu kinatambaa ndani. Alipojitazama kwenye kioo, aliona uso wake umeanza kupoteza nuru, macho yamekuwa na weusi mzito. Ile 'Binti wa Shaba' sasa alikuwa anageuka kuwa 'Binti wa Majivu'.

"Mungu wangu, nifanye nini?" alipiga kelele, lakini sauti yake ilirudi kwake kama mwangwi wa majuto.

---

**Katika Episode inayofuata:**
Lailah anagundua kuwa Mzee wa Upako wa Pesa amepotea mjini, na inasemekana alikuwa anatumia mabinti wa chuo "kusafishia nyota" yake. Hali ya Lailah inazidi kuwa mbaya, anaanza kufukuzwa na marafiki zake kwa sababu ya harufu. Katika hatua ya mwisho ya kukata tamaa, Lailah anaamua kufanya kitu ambacho kitamtia doa maisha yake yote.

**Usikose EPISODE 11: "HARUFU YA MZOGA NA USALITI WA TASHA"**