Hali ya hewa nje ya zahanati ilikuwa ya mshike mshike. Sulee na Monica walitoka wakiwa wamejifunga kanga zilizolegea, huku nyuso zao zikiwa zimejaa machozi na aibu. Masofa na Juma walikuwa mbele, nyuso zao zikiwa zimekakamaa kwa hasira na maumivu ambayo hayana mfano.

"Watazameni hawa! Watazameni wake za watu wanaotafuta watoto kwa waganga njaa!" Sauti ya jirani mmoja ilipazwa, na kundi la watu likaanza kuzunguka pale mlangoni.

Sulee alihisi ardhi ipasuke aingie ndani. Alijaribu kumshika Masofa mkono, akilia kwa unyonge, "Mume wangu, nimepotea... huyu daktari alinitafuna akili..."

Masofa alimkwepa kama anayekwepa ukoma. "Usinitambue Sulee! Kuanzia leo, mimi na wewe ni ardhi na mbingu. Twende nyumbani ukabure kila kilicho chako mbele ya wazazi wako."

Wakati huo huo, Monica alianza kuishiwa nguvu kabisa. Maumivu ya "tiba" ya mwisho ya Kisarawe yalikuwa makali mno, na ule usaha ulikuwa unamtiririka mapajani bila kukoma. Alidondoka chini na kuanza kugaagaa. Juma, licha ya hasira yake, aliona utu unamshinda. "Mbebeni huyu mpelekeni Hospitali ya Rufaa sasa hivi! Atatufia hapa kwa laana zake!"

Kule zahanati, askari walimfunga Dokta Kisarawe pingu za miguu na mikono. Alikuwa bado uchi, akitetemeka huku akijaribu kuomba radhi. "Nisameheni, mimi ni binadamu tu..."

"Binadamu unayewapa wake za watu kisonono na kaswende kwa makusudi?" Askari alimzaba kofi la sikio. "Inuka! Leo utatuambia hivi vifaa na dawa feki umevitoa wapi."

Sulee alifikishwa nyumbani kwao usiku huo huo. Masofa aliwaita wazazi wa Sulee na kueleza mkasa mzima mbele ya mashahidi. Alimwaga mfuko wa nguo za Sulee mbele ya mama mkwe wake. "Mama, mwanao huyu hapa. Nilimwamini kwa miaka nane, nikadhani tunapambana na tatizo la uzazi, kumbe anapambana na uchu wa daktari tapeli."

Sulee alipiga magoti akilia, lakini kila alipojaribu kusema, picha ya yeye akiwa ameinamishwa juu ya Monica huku Kisarawe akizama ndani yake ilikuwa inamjia Masofa machoni. "Sulee, hata kama nikikusamehe, kila nikikuangalia nitaona picha ya yule tapeli akiwa juu yako. Huwezi kuwa mke wangu tena."

Wakati Sulee akilia kwa uchungu wa kupoteza heshima yake, kule Hospitali ya Rufaa, Monica alikuwa amewekwa kwenye chumba cha dharura. Daktari wa zamu alitoka akiwa amevaa barakoa, akitikisa kichwa.

"Nani mume wa huyu mwanamke?" daktari aliuliza.

Juma alijitokeza kwa hofu. "Mimi daktari. Ana hali gani?"

"Hali yake ni mbaya. Yule aliyekuwa akimfanyia vile 'vitendo' amemuharibu vibaya kuta za ndani za uzazi. Kuna maambukizi makali yamefika mpaka kwenye kizazi (sepsis). Na mbaya zaidi..." Daktari alinyamaza kidogo, "Huyu mwanamke ana ugonjwa hatari wa zinaa uliochelewa kutibiwa. Itabidi tumfanyie upasuaji wa kuondoa kizazi chote ili kuokoa maisha yake."

Juma aliegama ukutani na kuporomoka. Ndoto ya kupata mtoto ilikuwa imekufa rasmi, na mke wake alikuwa anapoteza kila kitu kwa ajili ya tamaa ya daktari feki.

---
**Katika EPISODE 11: "HUKUMU YA KIZAZI"**
Sulee anagundua kuwa naye ameambukizwa maradhi yale yale, huku Monica akifanyiwa upasuaji mkubwa uliogeuza maisha yake kuwa ya majonzi. Wakati huo huo, Dokta Kisarawe anatoa siri nzito gerezani kuhusu wanawake wengine wengi maarufu mtaani aliokuwa akizibua "mishipa" yao. Usikose!