**(ONYO: Hadithi hii ni kwa ajili ya watu wenye umri wa miaka 18 na kuendelea pekee)**

Siku hiyo asubuhi, Happy alikuwa amekaa kwenye kiti cha plastiki nje ya chumba chake, huku akiwa amevaa kanga moja iliyojifunga kifuani. Alikuwa bize anachati na simu yake ya smartphone, akitabasamu kila anapopokea ujumbe. Rafiki yake wa karibu, Asha, akatokeza akiwa ameshika ndoo ya maji, akitoka bafuni.

"Wewe Happy, mbona asubuhi yote hiyo unacheka na simu? Kuna mwanaume mwingine ameingia kwenye mtego?" Asha aliuliza huku akicheka.

Happy akanyanyua macho na kusema, "Shoga yangu, mjini hapa usipokuwa na akili utakufa njaa. Huyu hapa nimemwambia ninaumwa kichwa na sina hata hela ya kwenda hospitali, sasa hivi kashatuma elfu ishirini ya matibabu."

Asha akatua ndoo yake chini, "Hivi Happy, huchoki kula nauli za watu na huendi? Siku moja utakuja kukutana na mwanasheria wa mtaani, utajuta."

Happy akacheka kwa dharau, "Mwanasheria gani? Wanaume wa siku hizi wanapenda sifa. Ukimtumia picha ya uongo ya kurembua macho, anachanganyikiwa na kutuma hela. Mimi msimamo wangu ni mmoja: **Mpenda pumbu, hali nauli.** Kama anataka kuonana na mimi, atume hela. Akishatuma, nakula na namba nazuia (block)."

Asha akatikisa kichwa, "Mimi siwezi hiyo tabia yako. Nina mpenzi mmoja tu, Juma. Ingawa hana pesa nyingi, lakini ananijali na namheshimu. Siku nikisema naenda kwake, basi naenda kweli."

"Wewe utabaki kuwa maskini wa mawazo," Happy alimjibu. "Siku hizi mapenzi ni biashara. Angalia simu yangu, kuna wengine watano wote wanataka kuonana na mimi leo na nishawaambia kila mmoja atume nauli ya elfu kumi. Hapa nina elfu hamsini tayari bila kutoka jasho."

Wakati wakiendelea na maongezi yao, kijana mmoja mtanashati alipita mbele ya uwanja wao. Alikuwa amevaa vizuri na kunukia pafyum kali. Happy akamkonyeza, lakini kijana yule akapita kama hamuoni.

"Unaona yule?" Happy alimuuliza Asha.
"Ndio, mbona anaonekana mstaarabu?"
"Mstaarabu gani? Huyo naye alinitumia nauli wiki iliyopita, nikaizama. Leo anajifanya hanijui," Happy alicheka sana.

Lakini Happy hakujua kuwa michezo yake ya kula nauli ilikuwa inaanza kutengeneza maadui wengi mtaani. Kuna kikundi cha vijana walikuwa wameshaanza kupanga mtego wa kumfundisha adabu mwanamke huyo ambaye alikuwa amejipatia sifa ya kuwa "Mla Nauli Maarufu" mjini hapo.

Jioni hiyo, Happy alipokea ujumbe kutoka kwa namba ngeni.
*"Mambo mrembo, nimevutiwa na picha yako ya WhatsApp. Naomba tuonane leo usiku, nitakutumia elfu thelathini ya taxi uje hotelini kwangu."*

Happy macho yakamtoka. "Elfu thelathini!" aliwaza. "Leo nimepata dume la mbegu."

Bila kusita, alituma namba yake ya siri ya mtandao wa pesa na kusubiri. Dakika tano baadae, ujumbe wa muamala ukaingia. Elfu thelathini kamili!

Happy akatuma ujumbe: *"Asante mpenzi, nakuja sasa hivi."*
Lakini moyoni mwake akasema, *"Nakuja bafuni kuoga tu, hapo hotelini kwako utapasubiri mpaka asubuhi!"*

Aliingia chumbani kwake, akajipulizia pafyum na kulala kitandani kwake akifurahia ushindi wake mwingine. Hakujua kuwa safari hii, aliye mtafutia alikuwa amepanga jambo ambalo hajawahi kukutana nalo maishani mwake.

---
**ITAENDELEA...**